sabu ki Luna su saya mas lili ka Luna

Most of the text on this wobsite is in English. However, this article is in the Pandunia language. At some point, I will rearrange this site to allow for translations of all of the pages, but for now, I just wanted to write something in Pandunia.

sol oskur si kas na jo Luna be move do medi da Geo e Sol, jo asar la Sol be oskur ze Geo. ni kas ya vide di ajibu, a mon bil vide yemon ze un di lili area da Geo su fas.

ba plate geo sim ja na poli mar ya tese, sol oskur su tabi fa dalil la nomer jo kosmo buro ya tese mus si galte. la ze sabu ki yo pul sol oskur bil be vide ze un di shau kilomitre area. plate geo sim ja ya tese, vute su saya mas dai ka la vute na pan mar. ze sabu go, Luna mus mas lili ka 300 km, no 3500 km – la jo pan kosmo buro ya tese.

klar, na ver ta, vutu su saya mus mas dai ka la vutu un di gar la foto asal mas lili ka la vutu. gar la foto asal mas dai ka la vutu, asar vutu su saya bil mas dai o mas lili ka la vutu, pende na la manera ki mon ding “saya”. mon bil ding “saya” ka “area na jo pan foto ze yo asal be halte da yo vutu”. ni idea su tehni loga si “in saya”. gar la foto asal si Sol e la vutu si Luna, asar la in saya si area na jo yo yen ja no bil vide eni fen da Sol (la si, “pul sol oskur”). na ki la foto asal mas dai ka vutu, la in saya mas lili ka vutu na pan mar.

a gar mon ding “saya” ka “area na jo eni foto ze yo asal de halte da yo vutu”, mon ha she jo be tehni loga ka “vai saya”. gar la foto asal si Sol e la vutu si Luna, asar la vai saya si area na jo yo yen ja no bil vide yo fen da Sol (la si, “fen sol oskur”). na ki la foto asal mas dai ka vutu, la vai saya mas dai ka vutu na pan mar – la area da Sol e Luna si yo kilo kilomitre.

ver, mon bil vide ni she va eni saya jo ze Sol, no un di Luna su saya. gar mon ten yo lili vutu na supra yo plate fas na klar dia, mon vide la saya ya an klar. in saya si un forma di oskur di area na jung, na jo pan disha sol foto be halte. ye mas lili ka vutu. la vai saya ya an klar kinar na jo yo fen da disha sol foto be halte. ye mas dai ka vutu. gar mon move la vutu mas gau, la saya mas an klar, la vai saya mas dai, e la in saya mas lili do ki ye pul be an zai – na Luna fa ye, la be nam “ring sol oskur”.

mi sina ki ni galte di plate geo sim di argu su putong ta fen lai ze fate ki poli metre grafi jo ming la metode ki sol oskur funsi, vide ka go:

grafi ze Guy Vandegrift

tri gona na ni grafi no eni rupa ka saya, do plate geo sim ja ada an jui ye ka an razon she.

mas bon di metre grafi da sol oskur bil rupa mas ka go:

grafi ze mi su auto

na ni, sol foto su radi be disha grafi ka baku lin. na loka ki mas lin ya daka yo bindu, mas sol foto be vide ye. ni she fa ming la metode ki sol foto su radi ze Sol su kinar bil gola la Luna e fa ni kala in saya mas lili ka Luna, hata va ki ni hui vai saya ya poli mas dai ka Luna.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

This site uses Akismet to reduce spam. Learn how your comment data is processed.